პოლიტიკა

ახალი სტრატეგია - „ქართულ ოცნების“ განმარტება ახალ ბილბორდებზე

„ქართულ ოცნებაში“ წინასაარჩევნო ბილბორდებზე სალომე ზურაბიშვილის მაგივრად მმართველი გუნდის ლიდერების სურათების განთავსებას, არჩევნების მეორე ტურში, „ქართულ ოცნების“ ახალი სტრატეგიით ხსნიან.

„ქალაქის ქუჩებში პარტიის თავმჯდომარის, ბიძინა ივანიშვილისა და „ქართული ოცნების“ სხვა პოლიტიკური ლიდერების ბანერების განთავსება ახალი სტრატეგიის შემადგენელი ნაწილია. მეორე ტურის კამპანიის ფარგლებში განახლდა პრეზიდენტობის დამოუკიდებელი კანდიდატის სალომე ზურაბიშვილის საარჩევნო ბილბორდებიცა და სლოგანიც“, – განაცხადეს მმართველ პარტიაში.

დღეს დილიდან ახალი წინასაარჩევნო ბილბორდები გაჩნდა. ზოგიერთებზე სალომე ზურაბიშვილის მაგივრად „ქართული ოცნების“ თავმჯდომარის, ბიძინა ივანიშვილისა და პარლამენტის თავმჯდომარის, ირაკლი კობახიძის ფოტოებია განთავსებული.