პოლიტიკა

ახალი საზოგადოებრივი მოძრაობა ,,ახალი ერთობა საქართველოსთვის’’ დაფუძნდა

დღეს ახალი საზოგადოებრივი მოძრაობა ,, ახალი ერთობა საქართველოსთვის’’ დაფუძნდა. გაერთიანებაში ყოფილი დიპლომატები, არასამთავრობო ორგანიზაციების წარმომადგენლები და პოლიტიკოსები გაერთიანდნენ.

საზოგადოებრივი მოძრაობაში აცხადებენ, რომ მათი გზა არის ევროპული და ისინი არ ითანამშრომლებენ პრორუსულ პარტიებთან.

„ჩვენს პლატფორმაში, საზოგადოებრივ მოძრაობაში უკვე გაერთიანებული არიან პოლიტიკური პარტიები, ჩვენ ღია ვართ ნებისმიერი ახალი პოლიტიკური, მაგრამ არაოდიოზური პარტიების მიღებისთვის. ვგულისხმობ, გამოკვეთილად პრორუსულს და გამოკვეთილად ანტიქართულს. აქ საუბარია, მხოლოდ პროქართულ პარტიებზე. ამ შემთხვევაში პროქართული პარტია ნიშნავს პროევროპულ პარტიას.

ვაპირებთ ნებისმიერი პოზიტიური ნაბიჯის მხარდაჭერას, რომელიც წამოსული იქნება მმართველი გუნდისთვის და ვაპირებთ ნებისმიერი ანტიქართული ან ანტისახელმწიფოებრივი, მაგალითად, გაზპრომთან მიღებულ ხელშეკრულების, ან მსგავსი ნაბიჯების და ქმედებების კონსტრუქციულ, მაგრამ აქტიურ კრიტიკას,“- განაცხადა საზოგადოებრივი მოძრაობა ახალი ერთობა საქართველოსთვის წარმომადგენელმა, მამუკა ჟღენტმა.

მოძრაობა „ახალი ერთობა საქართველოსთვის“ გაწევრიანებული არიან საგარეო საქმეთა ყოფილი მინისტრის პირველი მოადგილე ნიკოლოზ ვაშაკიძე, დიპლომატები მამუკა ჟღენტი და მამუკა გამყრელიძე, პოლიტიკოსები პაატა დავითაია, ბაჩუკი ქარდავა და სხვები.

ახალი საზოგადოებრივი მოძრაობის წარმომადგენლების თქმით, მათ დაფინანსება ევროპელი დამფინანსებლებისგან აქვთ.

ნინო ექვთიმიშვილი