პოლიტიკა

ახალი პარლამენტი შესაძლოა, 19 ნოემბერს შეიკრიბოს

,,ქართული ოცნება - დემოკრატიული საქართველოს’’ წევრი გიორგი კახიანი იმ პროცედურებს განმარტავს, რასაც ახალი პარლამენტი პირველი შეკრების შემდეგ განახორციელებს.

როგორც კახიანმა ჟურნალისტებს განუცხადა, ახალ პარლამენტს პრეზიდენტი გახსნის, ხოლო სხდომას უხუცესი პარლამენტარი წარუძღვება.

მისი თქმით, პარლამენტი შეიკრიბება მაშინ, როცა ცესკო გამოაქვეყნებს არჩევნების საბოლოო შემაჯამებელ ოქმებს.

კახიძის ინფორმაციით, ახალი პარლამენტი შესაძლოა, 19 ნოემბერს შეიკრიბოს.

,,ეს არის პირველი შემთხვევა, როცა პარლამენტი არ შეიკრიბა პირველი ტურის შემდეგ. პირველი სხდომის დანიშვნის უფლება არის პრეზიდენტის პრეროგატივა . პრეზიდენტი გახსნის სხდომას, შეიქმნება ხმის დამთვლელი კომისია, სამანდატო კომისია და ამის შემდეგ ის პროცესი დაიწყება, რასაც ჰქვია შიდა სტრუქტურული დაკომპლექტება.

შეიქმნება ფრაქციები, აირჩევა მათი თავმჯდომარეები, ასევე აირჩევა პარლამენტის თავმჯდომარე და ვიცე სპიკერები. ამის შემდეგ უკვე დღის წესრიგში დადგება მთავრობის დაკომპლექტების საკითხი. ახალი პარლამენტი წარადგენს პრემიერის კანდიდატურას, რომელიც 7 დღის ვადაში უნდა დაამტკიცოს პარლამენტმა“, – განაცხადა გიორგი კახიანმა.

ნინო ექვთიმიშვილი