პოლიტიკა

ახალ პოლიტიკურ პლატფორმაზე ვფიქრობ - ეკა ბესელია

დეპუტატი ეკა ბესელია არ გამორიცხავს, რომ პარლამენტში ახალი ფრაქცია და პოლიტიკური ჯგუფი შეიქმნას.

„ახალ პოლიტიკურ პლატფორმაზე ვფიქრობ. თანამოაზრეებთან კონსულტაციები გვექნება. კონსულტაციებს დღეიდან დავიწყებ, რაც პირველ რიგში, გულისხმობს გარკვეულ პოლიტიკურ ჯგუფს, რომელიც პირველ ეტაპზე თემატურად გაერთიანდება.

თემატურად ჩვენ შეგვიძლია, მათ შორის „სოციალ-დემოკრატებთან“ და გია ჟორჟოლიანთანაც ვითანამშროლოთ. არ გამოვრიცხავთ, ეს მალე მოხდეს.

შეიძლება, პარლამენტში ახალი ფრაქცია ვიხილოთ და ახალი პოლიტიკური ჯგუფი შეიქმნას. ჯერ ფრაქციაზეა საუბარი.

უმცირესობა დაიშლება, როგორც კი ერთი დეპუტატი გამოვა უმრავლესობიდან. ეს უმცირესობას ავტომატურად დაშლის. ახალი უმცირესობა როდის შეიქმნება არ ვიცი“, – ამბობს ეკა ბესელია.