პოლიტიკა

აკეთებენ ყველაფერს იმისთვის, რომ 2018 წელს საპრეზიდენტო არჩევნები საერთოდ არ ჩატარდეს - სერგო რატიანი

ნაციონალური მოძრაობის წევრი სერგო რატიანი ფიქრობს, რომ ,,ქართული ოცნება’’ 2018 წლის საპრეზიდენტო არჩევნებისთვის პრეზიდენტის არჩევის წესს შეცვლის და ამისათვის საკონსტიტუციო უმრავლესობას გამოიყენებს.

,,ქართული ოცნების’’ ხელისუფლებისთვის, ასევე ბიძინა ივანიშვილისთვის ყველაზე დიდ საფრთხეს წარმოადგენს 2018 წლის საპრეზიდენტო არჩევნები. მათ იციან, რომ 2018 წელს ისინი უბრალოდ დამარცხდებიან. ამიტომ, აკეთებენ ყველაფერს იმისთვის, რომ 2018 წელს საპრეზიდენტო არჩევნები საერთოდ არ ჩატარდეს.

მას შემდეგ, რაც მარგველაშვილის პოზიციები დაშორდა ,,ქართული ოცნების’’ პოზიციებს, მათ პირველად მცდელობაც ჰქონდათ იმისა, რომ გარკვეულწილად შეეკვეცათ მარგველაშვილის უფლებამოსილება და ვადაზე ადრეც შეეკვეცათ. წინა პარლამენტში ამაზე საუბარი იყო’’, - განაცხადა დღევანდელ პრესკონფერენციაზე სერგო რატიანმა.

ნინო ექვთიმიშვილი