პოლიტიკა

აჰმედ ჩატაევის ოჯახი „წითელი ჯვრის“ დახმარებით ცხედრის გადმოსვენებას აპირებს

ისნის სპეცოპერაციის დროს ლიკვიდირებული აჰმედ ჩატაევის ოჯახი ცხედრის გადაცემას ითხოვს. ისინი გეგმავენ, დახმარებისთვის „წითელ ჯვარს“ მიმართონ.

„წითელი ჯვრის“ ქართული ბიუროს პრეზიდენტის, ნათია ლოლაძის განცხადებით, ის ამ ინფორმაციას არ ფლობს. მისი ვარაუდით, აჰმედ ჩატაევის ოჯახმა წითელი ჯვრის სირიის ბიუროს მიმართა.

„თუ მოხდა მსგავსი მოთხოვნის შესახებ მიმართვა, ეს სირიის ბიუროს ეცოდინება ან შეიძლება მოხდა ჩვენი ორგანიზაციის რომელიმე კომიტეტში ან ფედერაციაში, მაგრამ ამაზე ინფორმაცია ნამდვილად არ მაქვს. ზოგადად, როდესაც არის მოთხოვნა, უშუალოდ ეცნობება „წითელი ჯვრის“ საერთაშორისო კომიტეტს ან ეროვნულ საზოგადოებას მიმართავენ და ჩვენ შუამდგომლობას ვუწევთ“, -თქვა ლოლაძემ.

ტელეკომპანა „იბერიის“ ინფორმაციით, ჩატაევის მეუღლე აინა მარგოშვილი საქართველოში დაბრუნებას ცდილობს, თუმცა მას საზღვრის გადმოკვეთის უფლებას არ აძლევენ

ანა მებურიშვილი