პოლიტიკა

აფხაზეთს, სამხრეთ ოსეთსა და საქართველოს შორის დიალოგი შეიძლება წინ წაიწიოს იმ ფონზე, რომ თბილისმა აღიარა ცხინვალის წინააღმდეგ აგრესიის ფაქტი –მარია ზახაროვა

აფხაზეთს, სამხრეთ ოსეთსა და საქართველოს შორის დიალოგი შეიძლება წინ წაიწიოს იმ ფონზე, რომ თბილისმა აღიარა ცხინვალის წინააღმდეგ აგრესიის ფაქტი, – განაცხადა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.

„არსებობს შესაძლებლობა, რომ მოლაპარაკებები ჟენევის საერთაშორისო დისკუსიების ფარგლებში წინ წავიდეს, რადგან ბოლო წელს საჯაროდ გაისმა საქართველოს ხელისუფლების მიერ მიხეილ სააკაშვილის მიერ სამხრეთ ოსეთის წინააღმდეგ განხორციელებული აგრესიის აღიარება, ასევე განცხადებები აფხაზებთან და სამხრეთ ოსებთან შერიგების აუცილებლობის შესახებ. მნიშვნელოვანია, რომ ეს ქართველი ხელმძღვანელობის გულწრფელი განცხადებები გახდეს თბილისისთვის განმსაზღვრელი სოხუმთან და ცხინვალთან ურთიერთობის ჩამოყალიბებისას და გადაიზარდოს კონკრეტულ პრაქტიკულ ნაბიჯებში,“ — აღნიშნა ზახაროვამ.

მისი თქმით, მოლაპარაკებების პროცესის ერთ-ერთი პრიორიტეტული ამოცანაა საქართველოს მიერ ძალის არგამოყენების შესახებ იურიდიულად სავალდებულო შეთანხმების გაფორმება აფხაზეთსა და სამხრეთ ოსეთთან.

„სამი სახელმწიფოს საზღვრისპირა რეგიონებში ვითარების სტაბილიზაციას ხელს შეუწყობს საქართველო-აფხაზეთისა და საქართველო–სამხრეთ ოსეთის საზღვრების დელიმიტაციის დაწყება, რასაც მოჰყვება მათი დემარკაცია,“ — აღნიშნა დიპლომატმა.

ზახაროვას თქმით, რუსეთი მზად არის ამ პროცესებში ხელშეწყობისთვის.