პოლიტიკა

აფგან მუხთარლის საქმესთან დაკავშირებით ევროსასამართლომ საქართველოს 8 შეკითხვით მიმართა

სტრასბურგის ადამიანის უფლებათა ევროპულმა სასამართლომ თბილისიდან გაუჩინარებული ჟურნალისტის, აფგან მუხთარლის საქმის შესწავლა დაიწყო. ამასთან დაკავშირებით, ინსტანციამ საქართველოს სახელმწიფოს 8 შეკითხვა, ხოლო აზერბაიჯანს 6 კითხვა გაუგზავნა და პასუხების გასაცემად 31 ივლისამდე მისცა ვადა.

„ევროსასამართლო როგორც აზერბაიჯანის, ასევე საქართველოს სახელმწიფოს ეკითხება, ჰქონდა თუ არა დარღვევებს ფაქტი და სახელმწიფოებმა ჩაატარეს თუ არა ეფექტური გამოძიება იმ დანაშაულების მიმართ, რაც გულისხმობს აფგან მუხთარლის თბილისის ცენტრიდან გატაცებას, რომელიც აზერბაიჯანში აღმოჩნდა.

აქართველოში უწყება, რომელიც პასუხისმგებელია ევროსასამართლოსთან ურთიერთობაზე, არის იუსტიციის სამინისტროს შესაბამისი დეპარტამენტი“,- განაცხადა არასამთავრობო ორგანიზაციის „კონსტიტუციის 42-ე მუხლი“ გამგეობის თავმჯდომარემ, არჩილ ჩოფიკაშვილმა.