პოლიტიკა

აფგან მუხთარლის საქმე გამჭვირვალე არ იყო, ჩვენ ამ საქმის სრული გამოძიება გვჭირდება - ნილ სკოტი

გაეროს განვითარების პროგრამის ხელმძღვანელი ნილ სკოტი ჯგუფ „ბირჟა მაფიის“ ამბავს გამოეხმაურა. მისი თქმით, ამ საქმეში ძალიან დიდი როლი ითამაშა საზოგადოების გამოხმაურებამ.

„საზოგადოების რეაქცია „ბირჟა მაფიის“ საქმეზე ძალიან მნიშვნელოვანია, რათა ყველა მოქალაქის მიმართ სამართლიან მოპყრობას ჰქონდეს ადგილი“,-განაცხადა სკოტმა.

სკოტმა აღნიშნა, რომ ყველა მოქალაქე უნდა იყოს უზრუნველყოფილი სამართლიანი გამოძიების, სამართლიანი შეფასებისა და სასამართლოს უფლებებით. მან იმედი გამოთქვა, რომ გამოძიება მეტად გამჭვირვალე იქნება.

რაც შეეხება აზერბაიჯანელი ჟურნალისტის, აფგან მუხთარლის საქმეს, სკოტმა გამოძიებას მეტი ღიაობისაკენ მოუწოდა.

„უნდა აღვნიშნო, რომ ეს საქმე გამჭვირვალე არ იყო. ჩვენ გამჭვირვალობა და ამ საქმის სრული გამოძიება გვჭირდება, რათა ის, რაც მოხდა კვლავ არ განმეორდეს. არ უნდა ჰქონდეს ადგილი ცუდ მოპყრობას იმ ხალხის მიმართ, ვისაც თავისუფლად სურს აზრის გამოხატვა“,- თქვა სკოტმა კვლევის - „ქალები პოლიტიკურ პარტიებში: მითების მსხვრევა“ პრეზენტაციის დაწყებამდე.

ანა მებურიშვილი