სამართალი

`ადვოკატთა შესახებ` კანონში ცვლილებები მართლმსაჯულების სისტემაში ადვოკატის როლის გაძლიერებას შეუწყობს ხელს - დავით ასათიანი

"ადვოკატთა ასოციაციის" თავმჯდომარის, დავით ასათიანის განცხადებით, "ადვოკატთა შესახებ" კანონში დაგეგმილი ცვლილებები მისასალმებელია, რადგან ისინი მართლმსაჯულების სისტემაში ადვოკატის როლის გაძლიერებას შეუწყობს ხელს.

როგორც ასათიანმა ჟურნალისტებს განუცხადა, სამუშაო შეხვედრაზე კანონში შესატან ცვლილებებზე

"ადვოკატის შესახებ" კანონში იგეგმება ცვლილებები სამი მიმართულებით, რასაც მიესალმება "ადვოკატთა ასოციაცია" . კერძოდ, ხორციელდება პროფესიაში შესვლის რეფორმა, ძლიერდება ეთიკის კომისიის ფუნქციონირების საკითხები. აგრეთვე, ადვოკატის გარანტიები მისი საპროცესო მიმართულებით. რა თქმა უნდა, აღნიშნული ცვლილებები ხელს შეუწყობს მართლმსაჯულებაში ადვოკატის როლის გაძლიერებას. საერთო ჯამში, მხოლოდ პოზიტიურ გავლენას იქონიებს ხარისხიანი მართლმსაჯულების ადმინისტრირებაზე ჩვენს ქვეყანაში", - განაცხადა ასათიანმა.

ცნობისათვის, "ადვოკატთა შესახებ" კანონში ცვლილებები პირველი მოსმენით მიღებულია. დღევანდელ სამუშაო შეხვედრაზე, კი იურიდიულ საკითხთა კომიტეტის თავმჯდომარე ეკა ბესელიამ, "ადვოკატთა ასოციაციის“ თავმჯდომარე დავით ასათიანმა და საერთაშორისო არასამთავრობო ორგანიზაციებმა მეორე მოსმენით განსახილველ საკითხებთან დაკავშირებით იმსჯელეს.