საზოგადოება

ადვოკატთა ასოციაციის ორგანიზებით, ზუგდიდში ადვოკატებისთვის კონსტანტინე გამსახურდიას საჯარო ლექცია გაიმართა

ადვოკატთა ასოციაციის ორგანიზებით, ზუგდიდში, ადვოკატებისთვის კონსტანტინე გამსახურდიას საჯარო ლექცია გაიმართა თემაზე - „პრეზიდენტ ზვიად გამსახურდიას მოღვაწეობა ადამიანის უფლებათა და ძირითად თავისუფლებათა დაცვის სფეროში“.

როგორც „მედიანიუსს“ საქართველოს ადვოკატთა ასოციაციიდან აცნობეს, ღონისძიება ადვოკატთა ასოციაციის თავმჯდომარემ დავით ასათიანმა გახსნა.

ღონისძიებაზე საქართველოს პირველი პრეზიდენტის მოღვაწეობისა და მის მიერ ადამიანია უფლებების სფეროს განვითარებაში შეტანილი წვლილის შესახებ ისაუბრეს. აგრეთვე განიხილეს ისეთი საკითხები, როგორიცაა ადამიანის უფლებათა საყოველთაო დეკლარაციის მიღება და ამ მიმართულებით საბჭოთა კავშირში იმდროინდელი კონტექსტი. ასევე, ჰელსინკის ჯგუფის როლი, დისიდენტური მოძრაობების ურთიერთკავშირი ადამიანის უფლებებთან და სხვა.

ასოციაციის პრესსამსახურის ცნობით, მიმდინარე წელს, დამოუკიდებელი ქართული ადვოკატურის 100 წლის იუბილეს ფარგლებში კიდევ არაერთი ღონისძიება გაიმართება.