პოლიტიკა

ადამიანურად შემეცოდა ბატონი ყიფიანი - სალომე სამდაშვილი

„ნაციონალური მოძრაობის“ წევრის, სალომე სამადაშვილის განცხადებით, ადგილობრივი საგამოძიებო ექსპერტიზები ვერ გადაარწმუნებენ საზოგადოებას, რომ „ომეგა ჯგუფის“ საქმე არ ეხება სახელმწიფოს მხრიდან მიმდინარე რეკეტს.

სამადაშვილმა სპორტისა და ახალგაზრდობის ყოფილი მინისტრის, ლევან ყიფიანის განმარტებებს გამოქვეყნებულ აუდიოჩანაწერებთან დაკავშირებით „სასაცილო და თავშესაქცევი“ უწოდა.

„არც სამხარაულის ბიუროს გამოძიება, არც რომელიმე სხვა საკუთარი დაქირავებული ექსპერტის მიერ მოცემული ახსნა-განმარტება არ დაეხმარება დღევანდელ ხელისუფლებას, რომ გადაარწმუნოს საზოგადოება იმაში, რომ ჩვენ საქმე გვაქვს სრულიად კოორდინირებულად წარმართულ სახელმწიფო რეკეტთან „ომეგას“ შანტაჟის შემთხვევაში.

სასაცილო და თავშესაქცევი იყო იმ ახსნის მოსმენა, რომ ის [ყიფიანი] საკუთარი ნებით დაეთანხმა ამ ჩანაწერების გაკეთებას, იმიტომ რომ, მისი ოჯახისა და გვარიშვილობის გათვალისწინებით მერე გამოეყენებინათ ჩანაწერები სადღაც უცხოეთში. მსგავსი ბოდვა, სიმართლე რომ გითხრათ, მე არ მომისმენია, და შემეცოდა მე პირადად, ადამიანურად, ბატონი ყიფიანი“, - განაცხადა სამადაშვილმა.