პოლიტიკა

ადა მარშანია ადასტურებს, რომ მათ რუსი კოლეგები საქართველოში დაპატიჟეს

საპარლამენტო ფრაქცია “საქართველოს პატრიოტების“ წევრი ადა მარშანია ადასტურებს, რომ მათ რუსი კოლეგები საქართველოში დაპატიჟეს, თუმცა მისი თქმით, ,,ეს ხვალ ან ზეგ არ მოხდება.’’

“თუკი გვინდა, ნამდვილი, სიცოცხლის მქონე ფორმატი ამუშავდეს, შეხვედრებს ხელშესახები შედეგი ჰქონდეს და არ იყოს დიალოგის ფორმალური ჯგუფი, რომელიც უსასრულოდ ისაუბრებს, მაგრამ საბოლოო ჯამში არაფერს მიიღებს, ვიზიტი უნდა განხორციელდეს აქ - თბილისში და ჩვენც ჩავიდეთ. ჩვენ სისტემატურად ვივლით“, - განუცხადა ჟურნალისტებს ადა მარშანიამ.

მისივე თქმით, შეეცდებიან ქართველი კოლეგების დარწმუნებას, რომ რუსულ მხარესთან დიალოგი აუცილებელია და ამ პროცესში ყველა ფრაქცია უნდა იყოს წარმოდგენილი.

ფრაქცია “პატრიოტთა ალიანსის“ წევრები მოსკოვში შემდგომ ვიზიტს სექტემბერში გეგმავენ.

ნინო ექვთიმიშვილი