სამართალი

აბესაძის გათავისუფლების გადაწყვეტილება სასამართლომ მისი ჯანმრთელობის მდგომარეობის შესახებ ექსპერტიზის დასკვნის გათვალისწინებით მიიღო - თბილისის საქალაქო სასამართლო

ოთარ აბესაძის პატიმრობიდან გათავისუფლების თაობაზე თბილისის საქალაქო სასამართლო განცხადებას ავრცელებს.

“2017 წლის 15 იანვარს, თბილისის საქალაქო სასამართლოს საგამოძიებო, წინასასამართლო სხდომისა და არსებითი განხილვის კოლეგიის განჩინებით, ბრალდებულ ოთარ ა.-ს მიმართ აღკვეთის ღონისძიების სახედ შეფარდებული პატიმრობა 10 000 ლარის ოდენობით გირაოთი შეეცვალა და იგი სასამართლო სხდომის დარბაზიდან გათავისუფლდა. სასამართლომ აღნიშნული გადაწყვეტილება დაცვის მხარის შუამდგომლობის საფუძველზე, ბრალდებულის ჯანმრთელობის მდგომარეობის შესახებ დამოუკიდებელი სასამართლო ექსპერტიზის ცენტრის დასკვნის გათვალისწინებით მიიღო. წარდგენილი ბრალის თანახმად, ოთარ ა.-ს ბრალად ედება ქრთამის აღება, ესე იგი მოხელის მიერ ფულის პირდაპირ მოთხოვნა და მიღება, რათა მან თავისი თანამდებობრივი ავტორიტეტის გამოყენებით, ქრთამის მიმცემის სასარგებლოდ განახორციელოს რაიმე ქმედება, აგრეთვე გაუწიოს სამსახურებრივი მფარველობა“, - ნათქვამია საქალაქო სასამართლოს მიერ გავრცელებულ ინფორმაციაში.

მოცემულ საქმეზე არსებითად განხილვის მომდევნო სხდომა 2018 წლის 15 თებერვალს, 16:00 საათზე გაიმართება.