პოლიტიკა

აბა პატივია სანქციებიო? - ხატია დეკანოიძე

ასეთი სიგიჟე იმის მაჩვენებელია, რომ მეტი არაფერი აქვს რეზერვში, - ასე ეხმაურება “ერთიანობა - ნაციონალური მოძრაობის” ერთ-ერთი ლიდერი ხატია დეკანოიძე, პრემიერ-მინისტრ ირაკლი კობახიძის ღია წერილს, რითაც ის ამერიკის შეერთებული შტატების პრეზიდენტ დონალდ ტრამპსა და ამერიკის შეერთებული შტატების ვიცე-პრეზიდენტ ჯეი დი ვენსს მიმართავს.

„სერიოზულად კი: წერილი ივანიშვილის იდეაა.

- სანქციების ეშინია;

- უკრაინაში მშვიდობის ასპექტი გაძლიერდა;

- ლობისტური კომპანიები არ გამოადგა.

- საკუთარი ბიუროკრატიული აპარატისთვის, ვინც უკმაყოფილოა წერს: რა ვქნა ყველფერი ვცადეთო.

- შსს მინისტრის სანქციების ხაზგასმა მისთვის კიდევ ერთი ძვალია, რომელიც არ მუშაობს, მაგრამ ვალს იხდის.

ასეთი სიგიჟე იმის მაჩვენებელია, რომ მეტი არაფერი აქვს რეზერვში.

აბა პატივია სანქციებიო?“ - წერს ხატია დეკანოიძე „ფეისბუქზე“.

შეგახსენებთ, პრემიერ-მინისტრი ირაკლი კობახიძე ამერიკის შეერთებული შტატების პრეზიდენტს, დონალდ ტრამპსა და ამერიკის შეერთებული შტატების ვიცე-პრეზიდენტ ჯეი დი ვენსს ღია წერილით მიმართა. როგორც კობახიძე აღნიშნავს, რამდენიმე კვირის წინ მან მიმართა აშშ-ს წერილით ქართულ-ამერიკულ ურთიერთობებთან დაკავშირებით, თუმცა პასუხი ამ დრომდე არ მიუღია.