პოლიტიკა

9 ოპოზიციური პარტია დაიწყებს კონსულტაციებს, რათა მოემზადოს 6 სექტემბრის შეხვედრისთვის - ოპოზიციის პასუხი ბუკიკიოს წერილზე

კახა კუკავას პარტია „თავისუფალი საქართველო“ გამოეხმაურა ვენეციის კომისიის თავმჯდომარის, ჯანი ბუკიკიოს წერილს, რომელშიც ის პატიჟებს ოპოზიციასა და მმართველ გუნდს 6 სექტემბერს სტრასბურგში საკონსტიტუციო ცვლილებების განსახილველად.

როგორც „თავისუფალი საქართველოს“ განცხადებაში წერია, ეს წერილი სერიოზულ ზეწოლას მოახდენს ხელისუფლებაზე, რათა განახლდეს კონსულტაციები ისეთ თემებზე, როგორიცაა საარჩევნო სისტემა, პრეზიდენტის არჩევის წესი, ბლოკების რეგისტრაცია და ა.შ.

განცხადების თანახმად, ბუკიკიოს წერილს არ დაეთანხმა ოპოზიციის მეორე ნაწილი, შესაბამისად, სტრასბურგის შეხვედრისთვის 6 პარტია მოემზადება.

„არასაპარლამენტო პარტიები მიიჩნევენ, რომ ვენეციის კომისიის წინადადება არის სერიოზული შანსი ხელისუფლებაზე ზეწოლისა, რათა შეჩერდეს მე-2 მოსმენით მიღებული პროექტის განხილვა და გაიმართოს დამატებითი კონსულტაციები კონსტიტუციური რეფორმის უკლებლივ ყველა მნიშვნელოვან საკითხზე, მ.შ: საარჩევნო სისტემა, ბლოკების რეგისტრაცია, საარჩევნო ბარიერი, პრეზიდენტის არჩევის წესი და სხვ.

ოპოზიციური პარტიების მეორე ნაწილი არ შეუერთდა ამ მიმართვას, რომლებმაც კონსტიტუციურ რეფორმაზე კონსულტაციების წარმოება და კომპრომისის ძიება ამ ეტაპზე მიუღებლად მიიჩნიეს.

9 ოპოზიციური პარტია უახლოეს დღეებში დაიწყებს კონსულტაციებს სხვა პოლიტიკურ პარტიებთან და არასამთავრობო ორგანიზაციებთან, რათა მომზადდეს 6 სექტემბრის შეხვედრის დღის წესრიგი და ფორმატი“, - წერია განცხადებაში.

ანა მებურიშვილი