საზოგადოება

8-დან 10 მარტამდე გუდაური FIS-ის ეგიდით გამართულ სნოუბორდ კროსის ევროპის თასის ეტაპებს უმასპინძლებს - ღონისძიების პარტნიორია კომპანია „სილქნეტი“

8 – 10 მარტს, გუდაურში, საერთაშორისო სათხილამურო ფედრაციის (FIS) ეგიდით, ევროპის თასის ეტაპები გაიმართება სნოუბორდ კროსში. სათხილამურო ფრისტაილის ერთ-ერთი დისციპლინა, სნოუბორდ კროსი ტრასაზე ოთხი სპორტსმენის ერთდოულად დაშვებას გულისხმობს.

მოთხილამურეები სხვადასხვა დაბრკოლების ტრასის დაფარვას მინიმალურ დროში შეეცდებიან.

შეჯიბრებაში 14 ქვეყნის, მათ შორის ავსტრიის, შვეიცარიის, გერმანიის, საფრანგეთის 62 სპორტსმენი მიიღებს მონაწიელობას.

8, 9 მარტს FIS-ის ევროპის თასის ეტაპები გაიმართება ქალებსა და ვაჟებს შორის. 10 მარტს კი, FIS-ის სარეიტინგო შეჯიბრებაა დაგეგმილი.

,,კუდების“ ფერდობზე სათხილამურო ტრასის ასაშენებლად მსოფლიო ეტაპების ტრასების დიზაინერი და მშენებელი, ფრანგი სპეციალისტი ტომას გირლანდოუკვე რამდენიმე დღეა მუშაობს.

აღნიშნული შეჯიბრი ერთგვარი სამზადისია მსოფლიო ჩემპიონატისათის, რომელიც 2023 წელს თხილამურით და სნოუბორდით თავისუფალი სტილით სრიალში გაიმართება ბაკურიანში. ამიტომაც, წლევანდელი საერთაშორისო ეტაპის წარმატებით ჩატარება, განსაკუთრებით საპასუხისმგებლო და მნიშვნელოვანია სპორტის ამ სახეობის ყველა გულშემატკივარისთვის.

შეჯიბრი საქართველოს მთავრობის მხარდაჭერით, მთის კურორტების განვითარების კომპანიისა და საქართველოს სათხილამურო ფედერაციის ორგანიზებით იმართება.

ღონისძიების პარტნიორია კომპანია „სილქნეტი“, რომელიც 2008 წლიდან სათხილამურო ფედერაციის გენერალური სპონსორია.

საერთაშორისო სათხილამურო ფედერაციის ეტაპების ჩატარებასთან დაკავშირებით, გუდაურში, 8 მარტს, 9:30 სთ.-ზე „რედკოს“ დასახლებაში ,,მითლოფის“ტერიტორიაზე გაიმართება პრესკონფერენცია.

დამატებითი ინფორმაციისთვის ეწვიეთ საქართველოს სამთო-სათხილამურო ფედერაციის ვებ გვერდს : www. gsf.ge

NS