პოლიტიკა

7 თვითმმართველი ქალაქის სტატუსის გაუქმებას ხუთმა კომიტეტმა მხარი დაუჭირა

ადგილობრივი თვითმმართველობის კოდექსში შესატან ცვლილებებს პარლამენტის ხუთმა კომიტეტმა მხარი დაუჭირა.

„პარლამენტში შევიდა მთავრობის ინიციატივა 7 თვითმმართველი ქალაქების სტატუსის გაუქმებასთან დაკავშირებით და ასევე გამგებლისა და მერისათვის ერთი სახელის - „მერის“დარქმევის შესახებ. ვინაიდან მათ შორის არანაირი ფუნქციური და არანაირი ვალდებულებითი სხვაობები არ არის. დღეს განხორციელდა ხუთი საკომიტეტო მოსმენა და ყველა კომიტეტმა აღნიშნულ ცვლილებებს მხარი დაუჭირა“,-განაცხადა რეგიონული განვითარებისა და ინფრასტრუქტურის მინისტრის მოადგილემ კახაბერ გულედანმა.

მომდევნო კვირას მთავრობის ინიცირებული პაკეტის განხილვა პლენარულ სესიაზე იგეგმება.

პროექტის თანახმად, იგეგმება მუნიციპალიტეტების ტერიტორიული ოპტიმიზაცია, რაც მათ გაერთიანებას გულისხმობს.

ინიციოატივის მიხედვით, შეიქმნება ახალი მუნიციპალიტეტები და ნაცვლად არსებული 12 თვითმმართველი ქალაქისა, დარჩება 5.

მონიკა დავლიანიძე