პოლიტიკა

4 წელია, ბიძინა ივანიშვილთა ურთიერთობა არ მაქვს - პრეზიდენტი

საქართველოს პრეზიდენტის, გიორგი მარგველაშვილის განცხადებით, მას 4 წელია, ბიძინა ივანიშვილთან ურთიერთობა არ აქვს. ამის შესახებ ქვეყნის პირველმა პირმა რუსულ ტელეარხ Дождь-სთვის მიცემულ ინტერვიუში თქვა.

საქართველოს პრეზიდენტს კომუნიკაციის შეწყვეტის მიზეზებზე არ უსაუბრია.

„ეს არის პირადი საკითხი, რომლის განხილვასაც ტელევიზიით არ ვაპირებ. არც არასოდეს დამიწყია ამის გარჩევა მასმედიით. მე ვფიქრობ, რომ არც უნდა განვიხილო, რადგან ეს არის ურთიერთობა სახელმწიფო ჩინოვნიკს, რომელსაც მე წარმოვადგენ გარკვეული ინსტანციით, და მოქალაქეს შორის. ეს შეიძლება იყო მხოლოდ პირადი ურთიერთობა, რომლის განხილვასაც არ დავიწყებ“,- უთხრა Дождь-ს მარგველაშვილმა.

რაც შეეხება ივანიშვილის კრიტიკას მის მიმართ, პრეზიდენტმა ჟურნალისტს უპასუხა, რომ საქართველოს ნებისმიერ მოქალაქეს აქს უფლება, ქვეყნის პირველი პირის შესახებ აზრი გამოხატოს.

„ბუნებრივია, საქართველოს ნებისმიერ მოქალაქეს აქვს უფლება ჩემზე ისაუბროს, თუნდაც არასწორად, ეს ნორმალური დემოკრატიული პროცესია“, - აღნიშნა პრეზიდენტმა.