პოლიტიკა

27 მაისამდე კონსტიტუციაში უნდა ჩაიწეროს უცხო ქვეყნის მოქალაქეებზე მიწების გასხვისების აკრძალვის ნორმა - „ქართული მიწის დაცვის ჯგუფის“ ულტიმატუმი ხელისუფლებას

„ქართული მიწის დაცვის ჯგუფი“ „ქართულ ოცნებას“ მიმართავს, რომ თუ 27 მაისამდე საკონსტიტუციო ცვლილებების პროექტში უცხო ქვეყნის მოქალაქეებზე მიწების გასხვისების აკრძალვის ნორმა არ ჩაიდება, ისინი შიმშილობას დაიწყებენ. - ამის შესახებ ჯგუფის წევრებმა სანდრო ბრეგაძემ და გია კორკოტაშვილმა დღევანდელ პრესკონფერენციაზე განაცხადეს.

„ქართული მიწის დაცვის ჯგუფის“ ინფორმაციით, მათი გუნდის 100-მდე მოქალაქე მზადაა, რომ შიმშილობა დაიწყოს.

როგორც ბრეგაძემ თქვა, შიმშილობის შემთხვევაში მოხდება თბილისის პარლამენტის შენობის პიკეტირება. მან აღნიშნა, რომ რეგიონებშიც შეიძლება დაიწყოს შიმშილობის აქციები.

საინიციატივო ჯგუფის განცხადების თანახმად, თუკი არ აიკრძალება ქართული მიწის მიყიდვა უცხოელებზე, ეს გამოიწვევს დემოგრაფიულ კატასტროფას.

ანა მებურიშვილი