პოლიტიკა

2018 წლის თბილისობაზე დახარჯული თანხა მუნიციპალური თავშესაფრების წლიურ ბიუჯეტს უტოლდება - ფლანგვის დეტექტორი

არასამთავრობო ორგანიზაცია „ფლანგვის დეტექტორის“ ახალი მონაცემებით, თბილისის მერიის მიერ წლევანდელ თბილისობაზე დახარჯული 1 230 000 ლარი სრულად ეყოფოდა ვაკისა და საბურთალოს რაიონში არსებული ყველა უფასო სასადილოს ბენეფიციართა გამოკვებას მთელი წლის განმავლობაში.

ორგანიზაციის მონაცემებით, თბილისობაზე დახარჯული თანხა ასევე უტოლდება მუნიციპალური თავშესაფრების წლიურ ბიუჯეტს, ასევე უზურნველყოფდა დედათა და ბავშვთა თავშესაფარში სამჯერ მეტი ადამიანის მიღებას.

„ფლანგვის დეტექტორმა“ ასევე აღნიშნა, რომ ზეიმზე დახარჯული ფული უზრუნველყოფდა ქვეყნის ყველა მიუსაფარი ბავშვის ან თბილისის სოციალურად დაუცველ შშმ ბავშვთა დაფინანსების 40%-ით გაზრდას.

„ეს თანხები საკმარისი იქნებოდა, სრულად დაეფინანსებინა მთელი წლის განმავლობაში ვაკის ან საბურთალოს უფასო სასადილოები. ასევე, შეძლებდა სრულად დაეფინანსებინა თბილისში მცხოვრები სოციალურად დაუცველი შეზღუდული შესაძლებლობის მქონე ბავშვები“, - განაცხადა "ფლანგვის დეტექტორის” მკვლევარმა, სალომე კვირიკაშვილმა.