პოლიტიკა

2012 წელს, როცა სისხლიანი 9 წელი იყო, ბუჩქებში იჯდა - გია ხუხაშვილი ირაკლი კობახიძეზე

„2013 წელს წამოვედი ხელისუფლებიდან და ირაკლი კობახიძის ბუნდღა არ იყო, საერთოდ არ ვიცოდი, ვინ იყო“, -ასე გამოეხმაურა გადაცემაში „360 გრადუსი“ პოლიტოლოგი გია ხუხაშვილი პარლამენტის თავმჯდომარის ირაკლი კობახიძის განცხადებას, რომელმაც თქვა, რომ მირზა სუბელიანის მუქარის მმართველ გუნდს არ ეშინია, თუ მუქარა იქნება.

ხუხაშვილის განცხადებით, 2012 წელს „როდესაც ქვეყანაში სისხლიანი 9 წელი იყო“, კობახიძე ბუჩქებში იჯდა.

„კობახიძე ამ ქვეყანაზე არაა. როგორ გავაკეთო ამ გადამწიფებულ თინეიჯერზე კომენტარები?! ის მართლა აზრზე არაა, რა ხდება. ის პლაკატებზე ამოკითხულ ფრაზებს ამაყი სახით ილაპარაკებს. რა შიში არ ჰქონდა 2012 წელს, როცა სისხლიანი 9 წელი იყო, ბუჩქებში იჯდა. 2013 წელს წამოვედი ხელისუფლებიდან და მისი ბუნდღა არ იყო, საერთოდ არ ვიცოდი, ვინ იყო. ახლა მოაქვს დიდ ვაჟკაცად და დევგმირად თავი. გაჩუმდეს და თავს მიხედოს ცოტა, თავი მოიწესრიგოს, ის ჯობია“, - განაცხადა ხუხაშვილმა.