პოლიტიკა

16-17 მილიონი ლარიდან, რაც უფასო სასადილოებზე გაიცემა, 8-10 მილიონი სასადილოებზე პასუხისმგებელი კომპანიის ჯიბეში რჩება - გიორგი ვაშაძე

პარტია „ახალი საქართველოს“ თავმჯდომარე გიორგი ვაშაძე დედაქალაქის მერიას, გამგეობასა და თბილისის საკრებულოს კორუფციულ სქემაში ადანაშაულებს.

როგორც ვაშაძემ დღევანდელ ბრიფინგზე განაცხადა, საქმე ეხება უფასო სასადილოებს, რომლებიც 40 000-მდე ბენეფიციარს უნდა ემსახურებოდეს. ვაშაძის განცხადებით, 3-თვიანი მონიტორინგის შედეგად დადგინდა, რომ ყოველწლიურად სასადილოებში დახარჯული 16-17 მილიონი ლარიდან 8-10 მილიონი ლარი იმ კომპანიების მაღალი თანამდებობის პირებზე ნაწილდება, რომლებიც პასუხისმგებლები არიან სასადილოების ფუნქციონაირებაზე.

ვაშაძემ აღნიშნა რომ ამ კორუფციის ფონზე 20 000 ბენეფიციარისთვის არაა ხელმისაწვდომი სასადილოების გამოიყენება ხელოვნურად შექმნილი პრობლემების გამო.

ვაშაძის თქმით, დღეს პირველ საათზე მას ამ თემაზე აქვს შეხვედრა თბილისის მერიაში. მან მოითხოვა დავით ნარმანიასგან მასზე დასწრება, რათა გაეცნოს მონიტორინგის შედეგებს.

ანა მებურიშვილი