სამართალი
14 წლამდე ასაკის არასრულწლოვნების მიერ დანაშაულის ჩადენაზე, შესაძლოა, გარკვეული რეგულაცია დაწესდეს
შინაგან საქმეთა მინისტრის მოადგილე, შალვა ხუციშვილი არასრულწლოვანთა მიერ ჩადენილ დანაშაულებზე ახალი საკანონმდებლო ინიციატივების განხორციელების საჭიროებას ხედავს.
”არასრულწლოვანთა დანაშაულის და ზოგადად, ბავშვებში კრიმინალურ ქცევებთან დაკავშირებით ჩვენ კვლევას ვაკეთებთ. მოგეხსენებათ, არის სისხლის სამართლის პასუხისმგებლობის ასაკი. არსებობს ცალკეული შემთხვევები, როდესაც არასრულწლოვნების მხრიდან, რომლებმაც იციან, რომ მათ სისხლის სამართლის პასუხისმგებლობა არ დაეკისრებათ, ადგილი აქვს გარკვეული დანაშაულის ჩადენას. მაგალითად, იგივე სკოლებში, ტელეფონის წართმევასა და დაჩაგვრაზე არის საუბარი. სამწუხაროდ, ამ მიმართულებით არის პრობლემები, თუმცა ჩვენი კანონმდებლობა ძალიან ლიბერალურია და არც თუ ისე დიდი მოქნილობა გვაქვს პრევენციული ღონისძიებების გატარებისთვის. ძირითადად საუბარი არის მხოლოდ საინფორმაციო პრევენციულ ახსნა-განმარტებით სამუშაოზე, რომელსაც სამწუხაროდ ეფექტი არ აქვს.
კარგი იქნება შემდგომში პარლამენტის ფარგლებში პარლამენტმა აიღოს ინიციატივა და ერთობლივად იმუშაოს იმ პრობლემაზე, რომ სისხლის სამართლის პასუხისმგებლობის ასაკის ქვემოთ არასრულწლოვნების მიმართ უფრო მეტი საკანონმდებლო ინიციატივა იყოს”, - განაცხადა ხუციშვილმა პარლამენტის ევროპასთან ინტეგრაციის და ჯანდაცვის კომიტეტების გაერთიანებულ სხდომაზე.
ნინო ექვთიმიშვილი
საკვანძო სიტყვები:
მიგრაციის დეპარტამენტის თანამშრომლებმა საქართველოდან უცხო ქვეყნის 105 მოქალაქე გააძევეს
24 მარტი, 2026 , 13:07
თბილისის საქალაქო სასამართლომ ელენე ხოშტარიას ერთი წლითა და ექვსი თვით თავისუფლების აღკვეთა შეუფარდა
24 მარტი, 2026 , 12:55
ნიკა მელიას საქმე არსებითად განსახილველად სასამართლოს გადაეცა - გადაწყვეტილება მოსამართლე ვალერიან ბუგიანიშვილმა მიიღო
23 მარტი, 2026 , 13:58
სახალხო დამცველმა თბილისის საქალაქო სასამართლოში ბრალდებულ პაატა მანჯგალაძის საქმეზე სასამართლოს მეგობრის მოსაზრება წარადგინა
23 მარტი, 2026 , 12:27
შსს-მ აჭარაში სპეცოპერაციის შედეგად „ქურდულ სამყაროსთან“ კავშირში მყოფი 72 პირი დააკავა, კიდევ ხუთ პირს ბრალი წარედგინა, მათ შორის ე.წ. კანონიერ ქურდს
17 მარტი, 2026 , 15:08
დაცვის პოლიციის დეპარტამენტისა და საპატრულო პოლიციის დეპარტამენტის ორი თანამშრომელი დააკავეს
17 მარტი, 2026 , 13:02
