პოლიტიკა

ის, რასაც ახლა დიქტატურა აკეთებს, მხოლოდ ჟურნალია, მას ბევრად უფრო საშინელი გეგმები აქვს - მიხეილ სააკაშვილი

ის, რასაც ახლა დიქტატურა აკეთებს, მხოლოდ ჟურნალია, მას ბევრად უფრო საშინელი გეგმები აქვს, - ამის შესახებ საქართველოს მესამე პრეზიდენტი, მიხეილ სააკაშვილი „ფეისბუქის“ გვერდზე წერს.

„ბევრმა არ იცის, რომ 2008 წლის აგვისტოს ესკალაცია დაიწყო იმით, რომ ოკუპანტებმა თვის დასაწყისში სცადეს დიმიტრი სანაკოევის აფეთქება ქურთისკენ მიმავალ, ცხინვალის შემოვლით გზაზე. მაშინ სანაკოევი ბრონირებულმა ავტომობილმა გადაარჩინა, დაცვის რამდენიმე თანამშრომელი კი დაიჭრა.

ეს აჩვენებს, თუ როგორ აღიზიანებდა მტერს ცხინვალის რეგიონის ლეგიტიმური ადმინისტრაცია, სანაკოევის ხელმძღვანელობით.

ის, რაც რუსებმა მაშინ ვერ გააკეთეს, ახლა ივანიშვილმა დაასრულა. ეს ადმინისტრაცია იქნა ცხინვალის რეგიონის ათობით ათასი მცხოვრებლის მიერ არჩეული და ის იყო ცხინვალის რეგიონიდან დევნილების იურიდიული ბმა თავის საცხოვრებელ ადგილთან.

სანაკოევის ადმინისტრაცია ასევე იყო უტყუარი სიმბოლო იმისა, რომ ჩვენ საქმე გვაქვს არა ეთნიკურ კონფლიქტთან, არამედ გარე აგრესორთან, ამიტომ, ლეგიტიმური ადმინისტრაცია 100%-ით რუსების მითითებით გაუქმდა.

ჩემი დასკვნა არის შემდეგი - ის, რასაც ახლა დიქტატურა აკეთებს, მხოლოდ ჟურნალია, მას ბევრად უფრო საშინელი გეგმები აქვს“,-წერს სააკაშვილი სოციალურ ქსელში.