პოლიტიკა

არანაირი მოლაპარაკებები ხელისუფლებასთან თანამშრომლობაზე არ მიმდინარეობს - ზურაბ აბაშიძე

„თავისუფალი დემოკრატების“ ყოფილი წევრის, ზურაბ აბაშიძის განცხადებით, პარტიის ყოფილ წევრებს არანაირი შემოთავაზება თანამშრომლობაზე ხელისუფლებისგან არ მიუღია.

ამის შესახებ აბაშიძემ, „თავისუფალი დემოკრატების“ კიდევ ორ ყოფილ წევრთან გია ცაგარეიშვილთან და დავით ონოფრიშვილთან ერთობლივ პრესკონფერენციაზე განაცხადა.

„ჩვენი დღევანდელი მდგომარეობა არის აბსოლუტურად რეალისტური. ჩვენ არ ვართ ოპოზიციაში და არ ვართ ხელისუფლებაში. ჩვენ აღარ ვართ „თავისუფალი დემოკრატების“ პარტიის წევრები. აქედან გამომდინარე, აღარ ვსაქმიანობთ პარტიულად, ამიტომ აღარ ვართ ოპოზიციაში და აღარ ვართ ხელისუფლებაში, მინდა ეს ნათელი და მკაფიო იყოს ყველასთვის. არანაირი შემოთავაზებები, არანაირი მოლაპარაკებები ამ მიმართულებით არ მიმდინარეობს არავისთან, ეს მინდა რომ ნათელი და მკაფიო იყოს“,-აღნიშნა აბაშიძემ.

დავით ონოფრიშვილის თქმით კი, იგი პოლიტიკაში ჩართვას არ აპირებს და არც „რაიმე პოლიტიკური თანამდებობის დაკავებას აპირებს“.

მონიკა დავლიანიძე