კომენტარი

ზურაბ პატარაძე - კაკა ბუხრაძეზე: ყველას შესაბამის პაასუხს გავცემთ

აჭარის მთავრობის თავმჯდომარე ზურაბ პატარაძე პრემიერ-მინისტრის მიერ გაკეთებულ განცხადებას აბსოლუტურად ეთანხმება და აღნიშნავს, რომ ბათუმში განვითარებულ მოვლენებში ჩართული იყო პოლიტიკური ძალები.

„ ეს პროცესი არის მართული. ნამდვილად აქ იყო ჩართული პოლიტიკური ძალები და აბსოლუტურად ვეთანხმები პრემიერ-მინისტრის განცხადებას. ის ჯგუფი, ის პროვოკატორები ვინც დაგეგმა ეს აქცია, არის ის ადამიანები ვისაც არ უყვარს თავისი სამშობლო, არ სურს ჩვენი რეგიონის განვითარება“,-აღნიშნა პატარაძემ.

რაც შეეხება ბათუმის პოლიციის უფროსის კახა ბუხრაძის თანამდებობიდან დათხოვნის საკითხს, პატარაძემ განაცხადა: „ვისაც სურს სენსიტიურ თემებით თავისი კეთილდღეობისთვის მსგავსი საკითხები წამოწიონ, ეს ყოვლად მიუღებელი არის. აჭარა არის მშვიდობის გარანტი. მიმდინარეობს გამოძიება. თუ მსგავსი თემები სადმე გამოიკვეთება, არ აქვს მნიშვნელობა ეს პოლიციელი იქნება თუ საზოგადოების სხვა წევრი - ჩვენ გავცემთ შესაბამის პასუხს სულ ყველას“.

მონიკა დავლიანიძე