მსოფლიო

ზიმბაბვეში სამხედროებმა ქვეყნის პრეზიდენტი და მისი ოჯახი მძევლად აიყვანეს

დღეს ღამით ზიმბაბვეში სამხედროებმა სახელმწიფო ტელეკომპანია ZBC-ში შეიჭრნენ, რომლის ეთერში განაცხადეს, რომ ქვეყნის პრეზიდენტი, 93 წლის რობერტ მუგაბე მძევლად აიყვანეს.

სამხედროების განცხადებით, მუგაბესა და მის ახლობლებს არაფერი არ ემუქრებათ.

„ჩვენ გვინდა, დავარწმუნოთ ნაცია, რომ მისი უმაღლესობა პრეზიდენტი და მისი ოჯახის წევრები ცოცხლები და ჯანმრთელები არიან და მათი უსაფრთხოება გარანტირებულია“, - განაცხადა გენერალ-მაიორმა მოიომ ტელეკომპანიის ეთერში.

მათ აღნიშნეს, რომ მომხდარი ფაქტი სამხედრო გადატრიალებას არ წარმოადგენს.

ზიმბაბვეს დედაქალაქ ჰარარეში სროლისა და აფეთქების ხმები ისმოდა.

სამთავრობო პარტიის „ზიმბაბვეს აფრიკულ ნაციონალური კავშირი- პატრიოტული ფრონტი“ შეფასებით, ამ ნაბიჯის გადადგმა აუცილებელი იყო „ნაციის გაჯანსაღებისთვის“.

„არც ზიმბაბვე, არც პარტია არ ეკუთვნის არც მუგაბეს, არც მის ცოლს. დღეს ახალი ერა იწყება“, - წერია პარტიის განცხადებაში.

სიტუაცია ზიმბაბვეში წინა კვირას გაუარესდა, როცა მუგაბემ გაათავისუფლა ქვეყნის ვიცე-პრეზიდენტი ემერსონ მნანგაგვა. მნანგაგვას პრეზიდენტის სავარაუდო შემცვლელად მიიჩნეოდა, თუმცა მუგაბემ არჩევანი საკუთარი ცოლის, გრეისის სასარგებლოდ გააკეთა.

რობერტ მუგაბე ზიმბაბვეს 1980 წლიდან ხელმძღვანელობს.

ანა მებურიშვილი