კომენტარი

ზალბერის განცხადება საერთაშორისოდ არსებულ სულისკვეთებას ეწინააღმდეგება - გიგი წერეთელი

„ევროპული საქართველოს“ წევრის, გიგი წერეთელის თქმით, ჰერბერტ ზალბერის მიერ გაკეთბეული განცხადება, ეწინააღმდეგება იმ სულისკვეთებას, რომელიც საერთაშორისო საზოგადოებაში ე.წ სამხრეთ ოსეთში მიმდინარე არალეგიტიმური პროცესების მიმართ არსებობს.

ამასთან, როგორც წერეთელმა თემის კომენტირებისას მედიას განუცხადა, საქართველოს შესაბამისმა უწყებებმა, შესაბამისი კითხვები უნდა დასვან.

„ნაკლებად დასაჯერებელია, რომ ასეთმა გამოცდილმა დიპლომატმა , როგორც ჰერბერტ ზალბერია, ამგვარი განცხადება გააკეთა, რომელიც აბსოლუტურად ეწინააღდემგება იმ სულისკვეთებას, რომელიც ჟენევის დისკუსიასაც აქვს და გარდა ამისა, მთელს საერთაშორისო საზოაგდოებას იმ არალეგიტიმურ პროცესთან დაკავშირებით, რომელსაც არჩევნებს უწოდებენ. პირველ რიგში მან თავად უნდა გააკეთოს განმარტება თუ რას ნიშნავს ეს, და გარდა ამისა, ჩვენმა ხელისუფლებამ, საგარეო უწყებამაც, შესაბამისი კითხვები უნდა დასვას“,-აღნიშნა წერეთელმა.

შეგახსენებთ,რომ ევროკავშირის სპეციალურმა წარმომადგენელმა სამხრეთ კავკასიასა და საქართველოს კრიზისების საკითხებში ჰერბერტ ზალბერმა, ოკუპირებული ე.წ სამხრეთ ოსეთის დე ფაქტო პრეზიდენტს ანატოლი ბიბილოვს, ე.წ საპრეზიდენტი არჩევნებში გამარჯვება მიულოცა.

მონიკა დავლიანიძე