კომენტარი

ვურჩევ ემზარ კვიციანს, თუ აქვს დაუკმაყოფილებლობის განცდა, შეუძლია წერილობით ჩამოაყალიბოს - ირაკლი სესიაშვილი

პარლამენტში ორდღიანი კონფერენცია მიმდინარეობს, რომელიც თავდაცვისა და უსაფრთხოების სექტორის რეფორმას შეეხება.

კონფერენციაზე, „პატრიოტთა ალიანსის“ წევრმა, ემზარ კვიციანმა, 2006 წლის კოდორის ხეობაში მიმდინარე მოვლენები გაიხსენა და თავდაცვისა და უშიშროების კომიტეტის თავმჯდომარეს, ირაკლი სესიაშვილს კითხვით მიმართა, არის თუ არა საჭირო, რომ ამ საქმეს გრიფი „საიდუმლო“ მოეხსნას.

როგორც საკითხის კომენტირებისას სესიაშვილმა მედიას განუცხადა, თუ კვიციანს რამე აქვს სათქმელი საზოგადოებისთვის, მას ამის გაკეთება თუნდაც პრესკონფერენციის მოწვევით შეუძლია.

„მე ვურჩევდი მას, რომ თუკი მას აქვს დაუკმაყოფილებლობის განცდა, რომ საზოგადოებას ვერ მიაწოდა საკმარისი ინფორმაცია, მას ამის საშუალება თავადაც აქვს. მას შეუძლია წერილობით ჩამოაყალიბოს, შეუძლია პრესკონფერენცია მოიწვიოს, შეუძლია თავის ადვოკატებთან ერთად საზოგადობას მიაწოდოს ინფორმაცია. მას ამის საშუალება აქვს. მადლობა ღმერთს, მედია თავისუფალია და არავინ არ ზღუდავს მის სიტყვებს“,-აღნიშნა სესიაშვილმა.

მონიკა დავლიანიძე