კომენტარი

ვთავაზობ სცენარისტებს უფასოდ, რომ ამის შემდეგ „ნოვიჩოკით“ ან გაურკვევლი ნივთიერებით მოიწამლოს ზაზა ოქუაშვილი ლონდონში - ნუკრი ქანთარია

საპარლამენტო უმრავლესობის წევრმა, ნუკრი ქანთარიამ „რუსთავი 2"-ის მიერ გავრცელებულ აუდიოჩანაწერებსა და "ომეგა ჯგუფის" დამფუძნებლის მიერ გაკეთებულ სკანდალურ განცხადებებზე საუბრისას თქვა, რომ ეს ყველაფერი „რუსთავი 2“-ის მიერ დადგმული სერიალია.

„როგორც ველოდებოდით, სერიალში, რომელსაც „რუსთავი 2“ წარმოგვიდგენს, გამოჩნდა სამართლიანობისათვის მებრძოლი, ტანჯული, ხალხზე მზრუნველი გმირი და გარკვეულად შეიკრა წრე, სულთამხუთავ ბოროტმოქმედთან მებრძოლთა წრე, ეს არის სააკაშვილი, ოქუაშვილი, „რუსთავი 2“, ნაციონალური მოძრაობა და მე ვთავაზობ სცენარისტებს უფასოდ, რომ ამის შემდეგ „ნოვიჩოკით“ ან გაურკვევლი ნივთიერებით მოიწამლოს ზაზა ოქუაშვილი ლონდონში, მოთავსებული იყოს საავადმყოფოში კომაში და 27 ოქტომბერს აღდგეს და გვამცვნონ, რომ მოდის და უერთდება გრიგოლ ვაშაძეს გაყალბების წინააღმდეგ. ეს არის მთელი ამისი ავან-ჩავანი“, -განაცხადა დეპუტატმა.

„ომეგა ჯგუფისა“ და ტელეკომპანია „იბერიას“ მფლობელმა „რუსთავი 2“-თან ინტერვიუში განაცხადა, რომ ბიძინა ივანიშვილის, უჩა მამაცაშვილის, ირაკლი ფარცხალაძისა და გიორგი გახარიას წინააღმდეგ არაერთი მტკიცებულება არსებობს, მათ შორის არის ფოტო და აუდიომასალები.

მისივე ნაამბობიდან ირკვევა, რომ „ქართულმა ოცნებამ“ სამართლიანობის აღდგენის” ნაცვლად ბიზნესსფეროზე რეკეტი გააძლიერა, რაშიც ივანიშვილი ყოფილ პროკურორსა და შინაგან საქმეთა მოქმედ მინისტრს აქტიურად იყენებს.

ბიზნესმენის თქმით, 2012 წლის შემდეგ მან სამართლიანობის აღდგენის მიზნით, მთავარ პროკურატურას მიმართა, თუმცა მისი საქმიანობის სუსტი მხარეები მაშინდელმა ბიზნესომბუდსმენმა და ყოფილმა პროკურორმა ბიძინა ივანიშვილის სასარგებლოდ გამოიყენეს.

ოქუაშვილის მტკიცებით, ოლიგარქი ფარცხალაძისა დაა გახარიას დახმარებით მას ბიზნესის შენარჩუნების ხარჯზე ე.წ. ”ატკატებს” ითხოვდა.