მსოფლიო

ვლადიმირ ზელენსკი აშშ-დან ლონდონში ევროპელ ლიდერებთან შესახვედრად გაემგზავრა

მედიის ინფორმაციით, უკრაინის პრეზიდენტი ვლადიმირ ზელენსკი ამერიკის შეერთებული შტატების სამხედრო ავიაბაზა „ენდრიუსიდან“ ლონდონისკენ გაემგზავრა.

ზელენსკი მონაწილეობას მიიღებს ბრიტანეთის პრემიერ-მინისტრის, კირ სტარმერის მიერ ორგანიზებულ ევროპელი ლიდერების სამიტში, რომელმაც ბოლო მოვლენების ფონზე კიდევ უფრო დიდი მნიშვნელობა შეიძინა.

ბრიტანეთის ვაჭრობის მინისტრმა, დაგლას ალექსანდერმა BBC Radio 4-ის გადაცემაში „Any Questions“ განაცხადა, რომ „ოვალური კაბინეტის სცენები არა მხოლოდ ღრმად შემაშფოთებელი და გამაფრთხილებელია, არამედ მკაფიოდ აჩვენებს, თუ როგორ შეიცვალა სამყარო, რომელშიც უკანასკნელი 80 წელი ვცხოვრობდით.“

მან ასევე ვლადიმირ ზელენსკის „ევროპის ყველაზე მამაც პოლიტიკურ ლიდერად“ მოიხსენია მეორე მსოფლიო ომის დროინდელი ბრიტანეთის პრემიერ-მინისტრის, უინსტონ ჩერჩილის შემდეგ.

ევროპის დიპლომატიის ხელმძღვანელმა, კაია კალასმა კი აღნიშნა, რომ „ახლა ცხადია, თავისუფალ სამყაროს ახალი ლიდერი სჭირდება“ და დასძინა: „ჩვენ, ევროპელებმა, ეს გამოწვევა უნდა მივიღოთ.“