მსოფლიო

ვლადიმირ პუტინი- რუსეთის ქალაქებში გამართულ აქციაზე: ასეთი ინსტრუმენტი ე.წ არაბული გაზაფხულის დროს გამოიყენებოდა

რუსეთის პრეზიდენტის ვლადიმირ პუტინის განცხადებით, კორუფციის წინააღმდეგ მოსკოვსა და რუსეთის სხვა ქალაქებში გამართული არასანქცირებული მიტინგი „მზაკვრული მიზნებისთვის გამოიყენებოდა“.

ამის შესახებ პუტინმა არქტიკის საერთაშორისო ფორუმზე სიტყვით გამოსვლის დროს განაცხადა.

„ჩვენ კორუფციის წინააღმდეგ თანმიმდევრულად ვიბრძვით ეს ჩვენთვის საკმაოდ მნიშვნელოვანი პრობლემაა. თუმცა, აქვე უნდა აღინიშნოს, რომ თუ საზოგადოებრივ გამოკითხვას დავეყრდნობით, კორუფციის მასშტაბი ბოლო დროს შემცირებულია“,-განაცხადა პუტინმა და დასძინა,“ჩვენ ვებრძვით მას, ვაკეთებთ ამას და ხალხი ხედავს ამას“.

„პირადად ვარ მოხმრე, რომ კორუფციასთან ბრძოლის საკითხები საზოგადოების ყურადღების ცენტრში იყოს. ერთადერთი რაც არასწორად მიმაჩნია, როდესაც ვიღაცა, რომელიღაცა პოლიტიკური ძალები ცდილობენ ამ ინსტრუმენტის საკუთარ მიზნებისთვის გამოყენებას“,-დასძინა რუსეთის ლიდერმა.

მისი თქმით, ასეთი ინსტრუმენტი „გამოიყენებოდა ე.წ არაბული გაზაფხულის დროს, და ყოველივე როგორ სისხლისზღვრაში გადაიზარდა, ყველამ ვიცით. კორუფციასთან ბრძოლას -კი, ამ ინსტრუმენტის საკუთარი მიზნებისთვის გამოყენებას - არა“,-განაცხადა პრეზიდენტმა.

შეგახსენებთ, რომ რუსეთის ოპოზიციის ლიდერმა ალექსეი ნავალნიმ, ქვეყნის პრემიერ-მინისტრ დიმიტრი მედვედევის უძრავ ქონებასა და კორუფციულ სქემაზე დოკუმენტური ფილმი გადაიღო.

აღნიშნულმა ხალხში პროტესტის გრძნობა გამოიწვია, და 26 მარტს, რუსეთის რამდენიმე ქალაქში, მათ შორის მოსკოვსა და სანქტ-პეტერბურგში კორუფციის საწინააღმდეგო მშვიდობიანი აქცია გაიმართა.

თუმცა, სამართალდამცველებმა მოსკოვში აქციის 900-მდე მონაწილე დააკავეს. თავად ალექსეი ნავალნის 20 ათას რუბლიანი ჯარიმა გამოუწერეს და 15- დღიანი პატიმრობა შეუფარდეს.

მონიკა დავლიანიძე