მსოფლიო

ვლადიმერ პუტინმა რუსული ჯარის სირიიდან გაყვანის ბრძანება გასცა

რუსეთის პრეზიდენტმა ვლადიმერ პუტინმა ბრძანება გასცა სირიიდან რუსული ჯარების გაყვანის პროცესის დაწყების შესახებ.

„თავდაცვის მინისტრს, გენერალური შტაბის ხელმძღვანელს ვუბრძანებ, დაიწყონ რუსული საჯარისო ჯგუფების გაყვანა მათი მუდმივი დისლოკაციის ადგილას“, - განაცხადა პუტინმა.

მისი განმარტებით, სირიას რუსული ჯარების დიდი ნაწილი დატოვებს.

„ 2-ნახევარი წლის განმავლობაში რუსეთის შეიარაღებულმა ძალებმა სირიის ჯართან ერთად დაანგრიეს ყველაზე ბრძოლისუნარიანი საერთაშორისო ტერორისტული დაჯგუფება. ამასთან დაკავშირებით მივიღე გადაწყვეტილება, რომ რუსული სამხედრო კონტინგენტის უდიდესი ნაწილი, რომელიც იმყოფება სირიის არაბულ რესპუბლიკაში, დაბრუნდება სახლში, რუსეთში“, - თქვა პუტინმა.

რუსეთის პრეზიდენტის შეფასებით, სირიაში შექმნილია პირობები პოლიტიკური კრიზისის დასაძლევად. მან დაამატა, რომ „ლტოლვილები სახლებში ბრუნდებიან“.

მისი თქმით, ტერორისტები თუ ისევ გამოჩნდებიან, ისინი მათ უპრეცედენტო დარტყმას მიაყენებენ.

6 დეკემბერს რუსეთის გენერალურმა შტაბმა განაცხადა, რომ სირია სრულიად გათავისუფლდა ტერორისტებისგან, ხოლო „ისლამური სახელმწიფოს“ ყველა ბანდფორმირება განადგურებულია.

რუსეთმა თავისი ჯარები სირიაში 2015 წელს შეიყვანა სირიის მთავრობის თხოვნით.

ანა მებურიშვილი