მსოფლიო

ვიზიტი არის საკმარისი მიზეზი პედრო აგრამუნტი გადადგეს - ემანუელის ზინგერისი

ევროპის სახალხო პარტიის პრეზიდენტის ემანუელის ზინგერისის განცხადებით, ევროპის საბჭოს საპარლამენტო ასამბლეის პრეზიდენტი პედრო აგრამუნტი გადადგომასთან დაკავშირებით გადაწყვეტილება თავად უნდა მიიღოს.

როგორც მედიასთან საუბარში ზინგერისმა აღნიშნა, აგრამუნტმა რუსეთს შესაძლებლობა მისცა ეს ვიზიტი საკუთარი ინტერესისთვის გამოეყენებინა.

„სირიაში მისი ვიზიტი, რა თქმა უნდა, შეცდომა იყო. მან ამით მისცა შესაძლებლობა რუსეთს, ვიზიტი თავის სასარგებლოდ გამოეყენებინა. რუსულმა მედიამ კი ეს თემა, აიტაცა. ეს ვიზიტი არის საკმარისი მიზეზი იმისთვის, რომ პედრო გადადგეს. მან ეს გადაწყვეტილება თავად უნდა მიიღოს. ეს არის ევროპის ყველა წამყვანი პარტიის პოზიცია“,-აღნიშნა ზინგერისმა.

ევროპის სახალხო პარტიის წევრის ვლადიმირ არიევის თქმით, კი აგრამუნტმა დეპუტატების ნდობა დაკარგა, რადგან ამ ვიზიტით საკუთარი იმიჯი დააზიანა.

„ჩვენ გვქონდა ძალიან მძიმე დისკუსია. უმრავლესობა შევთანხმდით, რომ ვიზიტი იყო არასწორი გადაწყვეტილება. ამის გამო ბატონმა აგრამუნტმა ჩვენი ნდობა დაკარგა. ჩვენი აზრით, მას აღარ შეუძლია იყოს ასამბლეის თავმჯდომარე, რადგანაც მან მისი იმიჯი დააზარალა“,-აღნიშნა არიევმა.

მონიკა დავლიანიძე