კომენტარი

ვიზალიბერალიზაციასთან დაკავშირებით კონკრეტულ შედეგს, უკვე მომავალი წლის დასაწყისში ველოდებით- ირაკლი კობახიძე

საქართველოს პარლამენტის თავმჯდომარე ირაკლი კობახიძე იმედოვნებს, რომ საქართველოსთვის ვიზალიბერალიზაციის მინიჭების პროცესი ძალიან სწრაფად წარიმართება.

პარლამენტის თავმჯდომარე, უკვე 2017 წლის დასაწყისში ელოდება, რომ საქართველო კონკრეტულ შედეგს მიიღებს.

„ვიზალიბერალიზაცია, რასაკვირველია, საქართველოსთვის უმნიშვნელოვანესია, ჩვენი ქვეყნისთვის და ჩვენი მოსახლოებისთვის. ამ შემთხვევაში ყველაზე ხელშესახები გახდება ჩვენი მოსახლოებისთვის, ჩვენი მოქალაქეებისთვის ის სიკეთე, რომელიც არის დაკავშირებული ევროკავშირში საქართველოს გაწევრიანებასთან. მე იმედი მაქვს, რომ ეს პროცესი ძალიან სწრაფად წარიმართება. უკვე მომავალი წლის დასაწყისში ველოდებით ჩვენ კონკრეტულ შედეგს“,-აღნიშნა კობახიძემ.

დღეს, ევროპარლამენტში ე.წ შეჩერების მექანიზმზე დებატები და კენჭისყრა გაიმართება.

როგორც მედიასთან საუბარში „ლიბეს“ კომიტეტის თავმჯდომარემ აღნიშნა, ამის შემდეგ ვიზალიბერალზიაციასთან დაკავშირებით ევროსაბჭოს გადაწყვეტილებას უნდა დევლოდოთ.

თუმცა, კლოდ მორალესი აღნიშნავს, რომ „ეს პროცესი ძალიან ახლოს არის“.

მონიკა დავლიანიძე