კომენტარი

ვისურვებდი, მოქალაქის მხრიდან ძალადობის შემთხვევაშიც, პოლიციამ შეძლოს მისი დაკავება ნაკლები ზიანის მიყენებით - ზაქარია ქუცნაშვილი

საპარლამენტო უმრავლესობის ერთ-ერთი ლიდერი, ზაქარია ქუცნაშვილი სამართალდამცავების მხრიდან პოეტ ზვიად რატიანის შესაძლო ცემის ფაქტს გამოეხმაურა.

დეპუტატის თქმით, გამოძიების დასრულებამდე შეუძლებელია რაიმე განცხადების გაკეთება.

„რატიანის შემთხვევასთან დაკავშირებით მე არ გავაკეთებდი შორს მიმავალ დასკვნებს. გამომდინარე იქიდან, რომ ჩვენ გვახსოვს კარგად საზოგადოების სხვა წარმომადგენლების განცხადებაც, რომ ცასავით მართლები იყვნენ პოლიციასთან მიმართებაში და როდესაც გასაჯაროვდა ვიდეო კადრები, მერე აღმოჩნდა, რომ შეუფერებლად იქცეოდნენ ესა თუ ის მოქალაქეები.

ვისურვებდი, რომ მოქალაქის მხრიდან ძალადობის თუ უცენზურო გამონათქვამების გამოყენების შემთხვევაშიც, პოლიციამ შეძლოს, რომ დააკავოს ის, რაც შეიძლება ნაკლები ზიანის მიყენების შედეგად, რომ მერე ეს სალაპარაკო არ შეიქმნას,“ - აცხადებს ქუცნაშვილი.