კომენტარი

ვიქტორ დოლიძე ევროატლანტიკურ სტრუქტურებში ინტეგრაციის მინისტრის მოადგილეს შეხვდა

დემოკრატების“ ყოფილი წევრი ვიქტორ დოლიძე პარლამენტში, ევროპულ და ევროატლანტიკურ სტრუქტურებში სახელმწიფო მინისტრის მოადგილეს არჩიალ ყარაულაშვილს შეხვდა.

ტელეკომპანია „იმედის“ ინფორმაციით, ამ შეხვედრის შემდეგ, დოლიძემ კონსულტაციები, „თავისუფალი დემოკრატებიდან“ წამოსულ სხვა წევრებთან გამართა.

როგორც დოლიძემ „იმედს“ განუცხადა, ყარაულაშვილთან შეხვედრა ევრონესტის საპარლამენტო ასამბლეის ბიუროს ეხებოდა, რომელიც 23 ნოემბერს გაიმართება.

მისივე თქმით, სავსებით რეალურია რომ ევროინტეგრაციის მინისტრი გახდეს, თუმცა ამ ეტაპზე ამ თემაზე კომენტარს არ აკეთბს.

„რეალური ყველაფერი შეიძლება იყოს, მაგრამ, ამ ეტაპზე ყოველ შემთხვევაში, მე მაგ თემაზე კომენტარს არ ვაკეთებ. ეს შეხვედრა სხვა თემებს ეხებოდა. ევრონესტის საპარლამენტო ასამბლეის ბიურო იმართება 23 ნოემბერ.ს მე ფიზიკურად იქ ჩასვლას ვერ ვახერხებ, იმდენად რამდენდაც, მე პრეზიდენტობაზე უარი ვთქვი, იმიტომ, რომ პარლამენტის დეპუტატი აღარ ვარ და ეს საკითხი, სხვა საკითხებთან ერთად მქონდა მათთან გასავლელი. არახალია მათთან შეხვედრა. ყოველ კვირას ოპოზიციაში ყოფნის დროსაც ვხვდებოდი, იცით“,-აღნიშნა დოლიძემ.

მონიკა დავლიანიძე