კომენტარი

ვიქტორ დოლიძე არის გაკოტრებული პოლიტიკოსი - ოთარ კახიძე

პარლამენტის ფრაქცია ,,ევროპული საქართველოს’’ წევრი ოთარ კახიძე ევროპულ და ევროატლანტიკურ სტრუქტურებში სახელმწიფო მინისტრის, ვიქტორ დოლიძის იმ განცხადებას გამოეხმაურა, რომლის თანახადაც, ნატო-ს მომავალ სამიტზე საქართველო მონაწილეობას სავარაუდოდ არ მიიღებს.

,,ვიქტორ დოლიძე, ჩემი შეფასებით, არის გაკოტრებული პოლიტიკოსი. მას არ აქვს რაიმე მანდატი, რომ საკუთარი პოლიტიკური წონით ისაუბროს. იგი ახმოვანებს იმ დავალებას, რომელსაც მას აძლევს ბიძინა ივანიშვილი.

საქართველომ უნდა გამოიყენოს ყველა ასპარეზი იმისთვის, რომ მოახდინოს საკუთარი ინტერესების ლობირება, რომ დააჩქაროს გაწევრიანების პროცესი. ნატო-ს სამიტს თუ არ გამოიყენებს ევროინტეგრაციის მინისტრი, მაშინ რაზე ვსაუბრობთ საერთოდ?! ეს არის ,,ქართული ოცნების’’ იმ მავნებლური პოლიტიკის გაგრძელება, რაც გულისხმობს საერთაშორისო დღის წესრიგიდან საქართველოს საკითხის მოხსნას’’, - განაცხადა ოთარ კახიძემ.

ნინო ექვთიმიშვილი