კომენტარი

ვინც პოპულიზმში დამადანაშაულა, რა იციან, რომელ ღმერთს ვგულისხმობდი? - გიგა ბოკერია

„ევროპული საქართველოს“ ლიდერი გიგა ბოკერია ეხმაურება რეაქციებს მის ფრაზაზე - "ღმერთმა და ჩვენ ყველაფერი უნდა გავაკეთოთ, რომ საქართველო გამთლიანდეს".

მისი თქით, 12 ოქტომბერს, როცა მოქალაქეებს „გორის დღე“ მიულოცა, საქართველოს გამთლიანებაზე საუბრისას ფრაზა შეეშალა.

„ვინც პოპულიზმში დამადანაშაულა, რა იციან, რომელ ღმერთს ვგულისხმობდი? იქნებ, სხვა ღმერთს ვგულისხმობდი, არა უმრავლესობის? ფრაზა ამერია უბრალოდ. მე ვამბობდი ღმერთმა დაგვიფაროს ყველა, რომ ისევ ომი მოგვიწიოს და ყველაფერი უნდა გავაკეთოთ, რომ გამთლიანდეს სამშობლო-თქო.

ყველაზე კომიკური ამ ყველაფერში იყო, რომ ამაზე რეაგირება მოახდინეს „ნაციონალური მოძრაობის“ ლიდერებმაც კი, დეპუტატებმა, მაგალითად თინა ბოკუჩავამ და სხვებმა „ფეისბუქზე“. ჩათვალეს, რომ ეს სააკაშვილის იმ, ჩემი აზრით, შავრაზმული განცხადების მარეაბილიტირებელი განცხადება იყო. ეს კომიკური იყო, იმიტომ, რომ პრობლემა ღმერთის ხსენებაში კი არ არის, პრობლემა არის თუ შენ ამ თემას იყენებ ოპონენტზე თავდასხმისთვის შავრაზმული პოზიციიდან, რასაც ქართული ოცნება, პატრიოტთა ალიანსი, ასავალ-დასავალი შვებოდნენ ჩვენს, ყველას წინააღმდეგ, ვარდების რევოლუციის მემკვიდრეების წინააღმდეგ და ძალიან სამწუხაროა, რომ სააკაშვილი დღეს იგივეს აკეთებს", - განაცხადა გიგა ბოკერიამ "მთავარი არხის" პირდაპირ ეთერში.