კომენტარი
ვინ არწმუნებს `ქართულ ოცნებას`, რომ მანდატების სამართლიანი გადანაწილების შემთხვევაში ხალხს თავზე სახელმწიფო დაენგრევა - ირმა ინაშვილი
პარლამენტის ვიცე-სპიკერი, „პატრიოტთა ალიანსის“ ლიდერი ირმა ინაშვილი საარჩევნო სისტემასთან დაკავშირებით საკონსტიტუციო კომისიის მიერ შემუშავებულ კანონპროექტს კიდევ ერტხელ გამოეხმაურა.
როგორც ინაშვილი Facebook-ში პირად გვერდზე წერს, მას აინტერესებს ვინ არის ის ექსპერტული წრე, ვინც "ქართულ ოცნებას" არწმუნებს, რომ არჩევნებზე მიღებული მანდატების სამართლიანი გადანაწილების შემთხვევაში, ხალხს თავზე სახელმწიფო დაენგრევა.
“ვენეციის კომისიამ მორიგჯერ აღნიშნა, რომ კონტიტუციის წარმოდგენილ ცვლილებებში საარჩევნო სისტემის კომპონენტზე კონსენსუსი მისაღწევია, რადგან უმრავლესობის მოდელი პარტიებს პრაქტიკულად პოლიტიკური საქმიანობის უფლებას ართმევს, აქრობს პლურალიზმს.
"ქართულმა ოცნებამაც" სხარტად გამოაცხო ახალი ვარიანტი, რომელიც გუშინდელ ვარიანტზე თითქოს უკეთესია, მაგრამ მაინც უსამართლოა. პოლიტიკური ვაჭრობის თემა, რომ თუ ბონუსის სისტემას არ შემოვიღებთ, მაშინ მაჟორიტატები აჯაყდებიან, ახალ ფაზაში შედის. ეს თემა ჯერ შიდა ვაჭრობის, ახლა ვენეციის კომისიასთან წუწკობის საგანი გახდა.
ახალი ვარიანტით, რომელიც იმდენად ჩახლართულია, მათემატიკოსებიც კი ტვინს იღრძობენ, "ქართული ოცნება" ამბობს, რომ თუ მიჰქონდა ასი ვაშლი, ახლა მიაქვს ოთხმოცი. დაუმსახურებლად მიჰქონდა ასი და დაუმსახურებლად მიაქვს ოთხმოციც.
გულწრფელად მაინტერესებს, ვინაა ის ხალხი, ის ექსპერტული წრე, ვინც "ქართული ოცნების" საპარლამენტო ლიდერებს კაშპიროვსკივით არწმუნებს, რომ დარჩენილი მანდატები ხელში უნდა ჩაიგდონ, თორემ სამართლიანი გადანაწილების შემთხვევაში სახელმწიფო დაგვენგრევა თავზე.
მომავალი კვირიდან საკონსტიტუციო ცვლილებების განხილვა ისე იწყება პარლამენტში, რომ არ შემდგარა შეხვედრა ოპოზიციურ პარტიებთან. საქმიანი შეხვედრა და არა პოპულისტური. ცხელი კვირა გველოდება წინ.
ყველამ უნდა გააცნობიეროს, რომ ეს მანკიერება მარტო პარტიების მომავალს არ ეხება. გეხებათ თქვენ, თითოეულ ამომრჩეველს, რომელსაც პრაქტიკულად ხმას ართმევენ“,-დაწერა ირმა ინაშვილმა.
მონიკა დავლიანიძე
საკვანძო სიტყვები:
ჩემი თხოვნა პატრიარქთან შეხვედრის შესახებ უპასუხოდ დატოვა საპატრიარქომ, მიუხედავად იმისა, რომ იმ დროს მოქმედი პრეზიდენტი ვიყავი - სალომე ზურაბიშვილი
17 მარტი, 2026 , 17:31
მინდა პატრიარქს ჯანმრთელობა ვუსურვო, სახელმწიფო ყველაფერს გააკეთებს იმისათვის, რომ გაგრძელდეს მაქსიმალური ზრუნვა პატრიარქის ჯანმრთელობაზე - ირაკლი კობახიძე
17 მარტი, 2026 , 15:27
უწმინდესისა და უნეტარესის მდგომარეობა რთულია, იმედი უნდა ვიქონიოთ, რომ ყველაფერი კარგად იქნება და პატრიარქი გამოჯანმრთელდება - მიხეილ ყაველაშვილი
17 მარტი, 2026 , 12:56
საქართველოს კათოლიკოს-პატრიარქის ჰემადინამიკური მაჩვენებლები არასტაბილურია - კავკასიის მედიცინის ცენტრის ხელმძღვანელი
17 მარტი, 2026 , 11:24
ვითარება კვლავ რჩება ძალიან რთული, მეტად საყურადღებო, ყველაფერი კეთდება, რომ რაც შეიძლება სწრაფად აღდგეს პატრიარქის ჯანმრთელობისთვის აუცილებელი ყველა მნიშვნელოვანი პარამეტრი - მიხეილ სარჯველაძე
17 მარტი, 2026 , 10:50
თინა ხიდაშელმა გააკეთა განცხადება და ერთ დღეში სცადა მისი უარყოფა,ერთ დღეში როცა გიწევს საკუთარი ტყუილის უარყოფა, აქედან ჩანს,რომ შენ მიზანმიმართულად აზიანებ საქართველოს ეროვნულ ინტერესებს - ირაკლი კობახიძე
9 მარტი, 2026 , 15:42
