კომენტარი

ვერც ერთი ადამიანი ვერ დარჩებოდა გულგრილი, შეძრულია მთელი საქართველო -ბიძინა ივანიშვილი

პარტია „ქართული ოცნების“ თავმჯდომარემ, ბიძინა ივანიშვილმა საქართველოში მოქმედი საერთო ეროვნული მაუწყებლების წარმომადგენლებთან შეხვედრა სამძიმრით დაიწყო.

როგორც მან აღნიშნა 8 წლის გოგონას მკვლელობის ფაქტმა სრულიად საქართველო შეძრა.

„მინდა ჩემი გამოსვლა დავიწყო სამძიმრით. გუშინ გორში დიდი ტრაგედია დატრიალდა. ვერც ერთი ადამიანი ვერ დარჩებოდა გულგრილი, შეძრულია მთელი საქართველო. მინდა სამძიმარი გამოვუცხადოთ მშობლებს და ახლობლებს.

როგორც პოლიციამ განაცხადა, შინაგან საქმეთა სამინისტრომ დააკავა ეჭვმიტანილი მკვლელი. ვისურვოთ, რომ ჩვენს ქვეყანაში ნაკლები ყოფილიყო ასეთი ტრაგედიები“, - განაცხადა ბიძინა ივანიშვილმა “პალიტრანიუსის”, “მაესტროს”, “ობიექტივის”, “იბერია ტვ“ -ის წარმომადგენლებთან შეხვედრისას.

შეგახსენებთ, რომ გუშინ გორში 8 წლის გოგონა მოკლული იპოვეს. შინაგან საქმეთა სამინისტროს ინფორმაციით, მკვლელობაში ბრალდებული დაკავებულია.