მსოფლიო

ვერ ვხედავთ რისკებს, რომ ქართული მხარე შეთანხმების სააწინააღმდეგოდ მოიქცევა - სომხეთის პრემიერ-მინისტრი

სომხეთის პრემიერ-მინისტრი კარენ კარაპეტიანი ვერ ხედავს რისკებს იმაში, რომ საქართველო იმ მაგისტრალური გაზსადენის 25%-ანი წილის გაყიდვას გეგმავს, რომლის მეშვეობით რუსეთი სომხეთს გაზით ამარაგებს.

ამის შესახებ კარაპეტიანმა პარლამენტში სამთავრობო საათის მსვლელობის დროს განაცხადა.
„არ ვარ დარწმუნებული, რომ გარიგება მალე გაფორმდება, თუმცა მიუხედავად ამისა, ჩვენთვის რისკებს ვერ ხედავ. აქციების 25% -ის მფლობელი, ვერ იქონიებს მნიშნელოვან გავლენას და ჩვენ ვერ ვხედავთ რისკებს, რომ ქართული მხარე შეთანხმების სააწინააღმდეგოდ მოიქცევა“,-აღნიშნა სომხეთის პრემიერმა.

ამასთან, კარაპეტიანმა აღნიშნა, რომ სომხეთისთვის რისკები იმ შემთხვევაში გაიზრდება, თუ წილის გაყიდვა მოიმატებს.

მისი თქმით, ამ შემთხვევაში, ვითარება სახელმწიფოთაშორის ურთიერთობებს შეეხება.

„თუ მოვლენების ამგვარი ვითარება მოხდა, ჩვენ მეგობრულ ქვეყანასთან დიალოგისთვის არგუმენტები გვექნება. მაგრამ იქამდე, მათი საკუთრების მხოლოდ 25% აქციების გაყიდვის შემთხვევაში, ჩვენ, როგორც მინიმუმ, არაკორექტულები ვიქნებით, თუ სხვა ქვეყნის სახელმწიფო საქმეში ჩავერევით“,-აღნიშნა კარაპეტიანმა.

მონიკა დავლიანიძე