კომენტარი

ვერ ვიგებ იმ ადამიანებისას, რომლებიც ოდესღაც სააკაშვილს ებრძოდნენ და დღეს კბილებით იცავენ მის ტელეკომპანიას - ზაზა პაპაუშვილი

საპარლამენტო უმრავლესობის წევრი ზაზა პაპაუშვილი გაოცებულია იმ ადამიანებით, რომლებიც საკუთარ მოსაზრებებს ამა თუ იმ საკითხთან მიმართებში, სწრაფად იცვლიან.

პრესკონფერენციაზე პაპუაშვილმა აქცენტი იმ პოლიტიკოსებსა და საზოგადო მოღვაწეებზე გააკეთა, ვინც, მისი აზრით, საკუთარი პროფესიით წარმატებას ვერ მიაღწია.

„მე ვერ ვიგებ იმ ადამიანებისას, რომლებიც ოდესღაც სააკაშვილს ებრძოდნენ და დღეს კბილებით იცავენ მის ტელეკომპანიას, მაშინ იყვნენ მართლები თუ ახლა? სწორედ ასეთ “ნულოვან” პოლიტიკოსებს და მწერლებს არ სურთ ბლოკების გაუქმება, რადგან მათი პოლიტიკა აღარავის ესმის, მათ წიგნს არავინ კითხულობს და ბლოკში გაერთიანებით, ისინი შეძლებენ იმ მასას შეერიონ, რომლებიც შესაძლოა, რაღაც პროცენტით მოხვდნენ პარლამენტში“, – განაცხადა ზაზა პაპუაშვილმა.

მონიკა დავლიანიძე