კომენტარი

ვერ დავადასტურებ, რომ გუნდში უთანხმოებაა- სოფიო კილაძე

პარლამენტის ადამიანის უფლებათა დაცვის კომიტეტის თავმჯდომარე სოფიო კილაძე, მედიაში გავრცელებულ ინფორმაციას, რომ „ქართულ ოცნებაში“ ეკონომიკურ რეფორმასთან დაკავშირებით განხეთქილებაა, არ ადასტურებს.

ამასთან, კილაძე აღნიშნავს, რომ ზოგადად, ეკონომიკურ რეფორმასთან დაკავშირებით, ოპოზიციის კრიტიკა ნორმალური პროცესია.

„ოპოზიციის მხრიდან კრიტიკა არახალი არის. ეს დემოკრატიულ სახელმწიფოში ასეც უნდა იყოს და ასეც არის. ეს ჩვენი დემოკრატიის განუყოფელი ნაწილია. რაც შეეხება გუნდში უთანხმოებას, ნამდვილად ვერ დავადასტურებ და სწორად ბრძანა ბატონმა პრემიერმა, რომ ჩვენ აუცილებლად ამ 4-პუნქტიან გეგმას მივიყვანთ ბოლომდე. ის მიზნები რომლებიც დავისახეთ, რომლებიც დავპირდით ქართველ ხალხს, რომ შევასრულებთ, ამას აუცილებლად შევასრულებთ“,-აღნიშნა დეპუტატმა.

მონიკა დავლიანიძე