კომენტარი

უკვე ვეტოდადებულ კანონზე მსჯელობის და პოლემიკის გაგრძელება არ მიგვაჩნია სწორად - გია ვოლსკი

საკმაოდ მნიშვნელოვანი ღონისძიებები იყო დაგეგმილი და ორი დღით ადრე შეტყობინება იმის თაობაზე, რომ უკვე ვეტოდადებულ კანონზე გავაგრძელოთ მსჯელობა და პოლემიკა, ჩვენ არ მიგვაჩნია, რომ არის სწორი გადაწყვეტილება, - განაცხადა პარლამენტის ვიცე-სპიკერმა, გია ვოლსკიმ "საერთო სასამართლოების შესახებ” კანონში განხორციელებულ ცვლილებებთან დაკავშირებით პრეზიდენტის ადმინისტრაციაში გამართულ შეხვედრის კომენტირებისას.

"საკმაოდ ბევრი საშუალება და კარგი მექანიზმები გვქონდა და გვაქვს, რომ კანონის ჩამოყალიბების პროცესში მიიღოს პრეზიდენტმა და მისმა წარმომადგენლებმა მონაწილეობა, ისევე, როგორც საკონსტიტუციო კომისიის საქმიანობაში. მერე არ მოწონება და არმოწონების მერე კიდევ თათბირზე დაბარება პარლამენტის წევრების, არ მიმაჩნია, რომ სწორი გადაწყვეტილებაა", - განაცხადა გია ვოლსკიმ.

საკითხთან დაკავშირებით პრეზიდენტის ადმინისტრაციაში გამართულ შეხვედრას „ნაციონალური მოძრაობის“, „ევროპული საქართველოს“ და „პატრიოტთა ალიანსის“ წევრები ესწრებოდნენ.

ნინო ექვთიმიშვილი