მსოფლიო

უკრაინის უმაღლესმა რადამ მაჟორიტარულ საარჩევნო სისტემის გაუქმებას პირველი მოსმენით მხარი დაუჭირა

უკრაინის უმაღლესმა რადამ „საარჩევნო კოდექსში“ შესატან ცვლილებათა კანონპროექტს პირველივე მოსმენაში მხარი დაუჭირა. კანონპროექტი აუქმებს მაჟორიტარულ საარჩევნო სისტემას, რის გამოც საარჩევნო სისტემა სრულიად პროპორცილზე გადადის. ცვლილებებს მხარი 226 დეპუტატმა დაუჭირა.

გარდა ამისა, ცვლილებებში გათვალისწინებულია გენდერული კვოტები. ანუ, პარტიის სიის ყოველ 5-ეულში 2-ზე ნაკლები ქალი-დეპუტატი არ უნდა იყოს წარმოდგენილი. აღნიშნული კანონპროექტი ეთანხმება უკრაინის დედაქალაქში მიმდინარე საპროტესტო აქციის მონაწილეთა ერთ-ერთ მოთხოვნას, რომელიც საარჩევნო კოდექსში ცვლილებების შეტანას გულისხმობს.

საარჩევნო კოდექსისგან განსხვავებიოთ რადამ მხარი არ დაუჭირა უკრაინის შინაგან საქმეთა მინისტრის, არსენ ავაკოვის გადაყენების საკითხს. 102 დეპუტატი წინააღმდეგ გამოვიდა, ხოლო 31-მა ხმა მისცა ავაკოვის გადაყენების სასარგებლოდ.

შეგახსენებთ, ავაკოვის გადადგომის საკითხი აქტუალური გახდა მას შემდეგ, რაც მისი შვილი ალექსანდრე დააკავეს 14 მილიონი გრივნის გაფლანგვის ბრალდებით.

უმაღლესი რადას სხდომის პარალელურად პარლამენტთან საპროტესტო აქცია მიმდინარეობს, რომლის ერთ-ერთი ორგანიზატორია საქართველოს ყოფილი პრეზიდენტი და ოდესის ყოფილი გუბერნატორი მიხეილ სააკაშვილი. დღევანდელი შეკრება 17 ოქტომბერს დაწყებული საპროტესტო კამპანიის გაგრძელებაა.

ანა მებურიშვილი