მსოფლიო

უკრაინის სასაზღვრო სამსახური 10 სექტემბერს მიხეილ სააკაშვილის ჩასვლასთან დაკავშირებით მოქალაქეებს აფრთხილებს

უკრაინის სასაზღვრო სამსახური მოქალაქეებს აფრთხილებს, რომ 9-12 სექტემბერს უკრაინა-პოლონეთის საზღვრის „კრაკოვეცის“ გამშვები პუნქტის გადაკვეთისგან თავი შეიკავონ.

ამის შესახებ უწყების ოფიციალურ ვებ-გვერდზეა ნათქვამი.

განცხადებაში დაზუსტებულია, რომ საუბარია 10 სექტემბერზე, როდესაც „ცალკეულ პოლიტიკურ პარტიებსა და დეპუტატებს მასობრივი აქციების გამართვა აქვთ დაანონსებული“.

„კრაკოვეცის“ გამშვებ პუნქტთან შესაძლო მასობრივი აქციების გამართვის გამო, სახელმწიოფო სასაზღვრო სამსახური მოქალაქეებს რეკომენდაციით მიმართავს, რომ 9-12 სექტემბერს, საზღვრის გადაკვეთის სხვა მარშუტი აირჩიონ“,-ნათქვამია განცხადებაში.

უწყება ასევე ახსენებს აქციის გამართვის მსურველებს, რომ სასაზღვრო ზოლზე განსაკუთრებული რეჟიმი მოქმედებს, რომელიც შესვლის, ქვეყანაში ყოფნის, საზღვართან გადაადგილების წესს ადგენს.

„გთხოვთ, დაიცვათ კანონმდებლობით დადგენილი ნორმები და წესები“,-აღნიშნავს უწყება.

მონიკა დავლიანიძე