მსოფლიო

უკრაინაში შესვლა 40-მდე რუს მსახიობს და მომღერალს აეკრძალა

უკრაინის შესაბამისმა სამსახურმა ქვეყანაში შესვლა 40-მდე რუს მსახიობსა და მომღერალს აუკრძალა. ამის მიზეზი კი, მათ მიერ ოკუპირებული ყირიმის სტუმრობა გახდა.

ამის შესახებ "Интерфакс-Украина"-ს უკრაინის სასაზღვრო სამსახურის უფროსმა ვიქტორ ნაზარენკომ განუცხადა.

„რაც შეეხება მსახიობებს და სხვა ცნობად სახეებს, რომლებმაც ყირიმს ეწვივნენ, დღეისობით ჩვენს მიერ 40 ასეთი პირია გამოვლენილი. მადლობას ვუხდით უკირაინის მოქალაქეებსა და სამართალდამცავ ორგანოებს დახმარებისთვის“,-განაცხადა ნაზარენკომ.

სასაზღვრო სამსახურის ხელძღვანელის განმარტებით, აღნიშნულ პირებს უკრაინაში შესვლა სამი წლით აკრძალათ.

სანქციათა სიაში მოხვდნენ ლოლიტა მილიავსკაია, იულია სამოილოვა, ნატაშა კოროლიოვა,ნიკოლაი დობრინინი, ლიუდმილა არტემიევა და სხვები.

მონიკა დავლიანიძე