მსოფლიო

უკრაინაში რეფორმები უკარინელებმა უნდა გაატარონ - უკრაის პრემიერ-მინისტრი

უკრაინის პრემიერ-მინისტრის, ვლადიმერ გროისმანის განცხადებით, უკრაინაში უკრაინელებმა უნდა გაატარონ რეფორმები.

როგორც გროისმანმა „112 უკრაინისთვის“ მიცემულ ინტერვიუში თქვა, უკრაინის წინა მთავრობა ბოროტად იყენებდა მინისტრობის პოსტებზე ჩართულ უცხოეთის მოქალაქეებს.

„ვფიქრონ, გარკვეულ პერიოდში ჩვენ ამით [უცხოელი სპეციალისტების მოწვევით] ბოროტად ვისარგებლეთ. უკრაინა უკრაინელებმა უნდა ააშენონ და ამაში ღრმად ვარ დარწმუნებული, ახლა კი უფრო მეტად. მაგრამ, შეგვიძლია მოვიწვიოთ ესა თუ ის სპეციალისტები, რომლებიც ცნობილია, თუმცა დიდწილად, ჩვენი სახლი დამოუკიდებლად უნდა ავაშენოთ“, -განაცხადა გროისმანმა.

შეგახსენებთ, რომ ახლო წარსულში უკრაინის მთავრობაში რამდენიმე თანამდებობას იკავებდნენ უცხო ქვეყნის მოქალაქეები. მაგალითად, უკრაინის ეროვნული პოლიციის თავმჯდომარისა და უკრაინის შინაგან საქმეთა მინისტრის თანამდებობებს საქართველოს მოქალაქეები ხატია დეკანოიძე და ეკა ზღულაძე იკავებდნენ. ეკონომიკური განვითარებისა და ვაჭრობის მინისტრი ლიტვის მოქალაქე აივარას აბრომავიჩუსი იყო, ხოლო ფინანსთა მინისტრი აშშ-ის მოქალაქე ნატალია იარესკო.